ജപ്പാൻ മാസ്റ്റേഴ്സ്: ലക്ഷ്യ സെൻ പ്രീ-ക്വാർട്ടറിൽ; ജപ്പാൻ താരത്തെ നേരിട്ടുള്ള ഗെയിമുകൾക്ക് തകർത്തു

ഇന്ത്യൻ ബാഡ്മിന്റൺ താരം ലക്ഷ്യ സെൻ ജപ്പാൻ മാസ്റ്റേഴ്സ് 2025-ന്റെ പ്രീ-ക്വാർട്ടർ ഫൈനലിലേക്ക് അനായാസം മുന്നേറി. റൗണ്ട് ഓഫ് 32-ൽ ജപ്പാന്റെ തന്നെ കോക്കി വാതനബെയെയാണ് സെൻ കീഴടക്കിയത്. 21-12, 21-16 എന്ന സ്‌കോറിനാണ് സെൻ നേരിട്ടുള്ള ഗെയിമുകൾക്ക് വിജയം സ്വന്തമാക്കിയത്. വെറും 39 മിനിറ്റ് മാത്രം നീണ്ടുനിന്ന മത്സരം സെന്നിന്റെ മികച്ച ഫോമും കോർട്ടിലെ ആധിപത്യവും വ്യക്തമാക്കുന്നതായിരുന്നു. രണ്ടാം ഗെയിമിൽ ഒരവസരത്തിൽ 14-15 എന്ന നിലയിൽ ലക്ഷ്യ സെൻ പിന്നിലായിരുന്നെങ്കിലും, പിന്നീട് ശക്തമായി തിരിച്ചെത്തി അവസാനത്തെ എട്ട് പോയിന്റുകളിൽ ഏഴെണ്ണവും നേടി വിജയം ഉറപ്പിച്ചു.