തുടര്ച്ചയായ രണ്ടാം മത്സരത്തിലും സമനിലയുമായി മടങ്ങേണ്ടി വന്ന് യുപി യോദ്ധ. ബംഗാള് വാരിയേഴ്സിനോട് കഴിഞ്ഞ മത്സരത്തില് സമനിലയില് പിരിഞ്ഞ യുപി ഇത്തവ തെലുഗു ടൈറ്റന്സുമായി പോയിന്റ് പങ്കുവയ്ക്കുകയായിരുന്നു. ആദ്യ പകുതിയില് 19-10നു ബഹുദൂരു മുന്നിലായിരുന്നു യുപിയാണ് രണ്ടാം പകുതിയില് പിന്നോട്ട് പോകുന്ന കാഴ്ച കണ്ടത്. ഫൈനല് വിസില് മുഴങ്ങുമ്പോള് 26-26 എന്നായിരുന്നു സ്കോര്.
രണ്ടാം പകുതിയില് സടകുടഞ്ഞെഴുന്നേറ്റ ടൈറ്റന്സിനു മുന്നില് പതറിപ്പോയെങ്കിലും തോല്വി വഴങ്ങേണ്ടി വന്നില്ലെന്നതില് യുപിയ്ക്ക് ആശ്വിസിക്കാം. സച്ചിന് കുമാര്(5), ശ്രീകാന്ത് ജാഥവ്(4), ഋഷാംഗ് ദേവഡിഗ(4), നിതേഷ് കുമാര്(4) എന്നിവര് യുപിയ്ക്കായി പോയിന്റുകള് നേടിയപ്പോള് നിലേഷ് സാലുങ്കേ(4), മൊഹ്സെന് മഗ്സൗദ്ലു(4), അബോസര് മിഗാനി(4) എന്നിവരാണ് ടൈറ്റന്സിനു തുണയായത്.
റെയിഡിംഗ് പോയിന്റില് 13-11നു തെലുഗു ടൈറ്റന്സ് മുന്നില് നിന്നപ്പോള് 13-11നു യുപി പ്രതിരോധത്തില് മികച്ച് നിന്നു. ഇരു ടീമുകളും മത്സരത്തില് ഒരു തവണ ഓള്ൗട്ട് ആയി.