പ്രോ കബഡിയിൽ യുപി യോദ്ധ -തെലുഗു ടൈറ്റൻസ് മത്സരം സമനിലയിൽ പിരിഞ്ഞു. ആവേശോജ്വലമായ മത്സരത്തിൽ ഇരു ടീമുകളും 20 പോയന്റുകൾ വീതം നേടിയാണ് സമനിലയിൽ പിരിഞ്ഞത്. 19-19 എന്ന നിലയിലാണ് ടൈറ്റൻസിന്റെ സിദ്ധാർത്ഥ് ദേശായി റൈഡിനായി ഇറങ്ങിയത്. ഒരു പോയന്റ് ടൈറ്റൻസിന് ലഭിക്കുകയും ചെയ്തു.
എന്നാൽ ഫൈനൽ വിസിലിന് മുൻപേ മാറ്റിലേക്ക് ടൈറ്റൻസ് താരങ്ങൾ എത്തിയതിനാൽ ടെക്ക്നിക്കൽ പോയന്റ് യൂപി യോദ്ധാസിന് ലഭിക്കുകയായിരുന്നു. ആദ്യ പകുതിയിൽ സ്കോർ 11-11 അയിരുന്നു. ടൈറ്റൻസിന് വേണ്ടി ദേശായി 5 ഉം യൂപിക്ക് വേണ്ടി അമിത്, ജാഥവ് എന്നിവർ 4 ഉം പോയന്റുകൾ നേടി.
