കോമൺവെൽത്ത് ഗെയിംസിൽ 90 മീറ്റർ എറിഞ്ഞു പുതിയ റെക്കോർഡ് സൃഷ്ടിച്ചു സ്വർണം നേടിയ പാക്കിസ്ഥാൻ താരം അർഷദ് നദീമിനു അഭിനന്ദനങ്ങളും ആയി ഇന്ത്യൻ താരം നീരജ് ചോപ്ര. പുതിയ റെക്കോർഡിനും സ്വർണ മെഡലിനും അഭിനന്ദനങ്ങൾ സഹോദരൻ അർഷദ് നദീമിന്, വരുന്ന മത്സരങ്ങൾക്ക് ആശംസകൾ എന്നാണ് നീരജ് ഇൻസ്റ്റഗ്രാമിൽ അർഷദിന്റെ പോസ്റ്റിന്റെ അടിയിൽ കുറിച്ചത്.
ഒളിമ്പിക്സിൽ സ്വർണം നേടിയ നീരജ് ലോക ചാമ്പ്യൻഷിപ്പിൽ വെള്ളിയും നേടിയിരുന്നു. എന്നാൽ അതിനു ശേഷം പരിക്ക് കാരണം നീരജ് കോമൺവെൽത്ത് ഗെയിംസിൽ നിന്നു പിന്മാറുക ആയിരുന്നു. നീരജ് ജയിച്ച രണ്ടു തവണയും ഒരു മെഡൽ നേടാനും നദീമിനു ആയിരുന്നില്ല. 90.18 മീറ്റർ എറിഞ്ഞ അർഷദ് നദീം ഈ വർഷം 90 മീറ്റർ താണ്ടുന്ന മൂന്നാമത്തെ താരമാണ്. പരിക്കിൽ നിന്നു ഉടൻ നീരജ് തിരിച്ചെത്തും എന്നാണ് സൂചന.
