ലോക ബോക്സിങ് ചാമ്പ്യൻഷിപ്പിന്റെ ക്വാർട്ടർ ഫൈനലിൽ സ്ഥാനം ഉറപ്പിച്ച് ഇന്ത്യൻ ബോക്സർ മേരി കോം. തായ്ലൻഡ് ബോക്സർ ജൂതമസ് ജിറ്റ്പോങ്ങിനെയാണ് മേരി കോം തോൽപ്പിച്ചത്. ഏകപക്ഷീയമായ മത്സരത്തിൽ 5-0നാണ് മേരി കോം ജയം ഉറപ്പിച്ചത്.
ഓപ്പണിങ് റൗണ്ടിൽ പതിയെ തുടങ്ങിയ മേരി കോം രണ്ടാം റൗണ്ടിൽ മത്സരത്തിന്റെ നിയന്ത്രണം ഏറ്റെടുക്കുകയായിരുന്നു. 51 കിലോ ഗ്രാം വിഭാഗത്തിൽ ആദ്യ ലോക കിരീടം തേടിയാണ് മേരി കോം ഇറങ്ങിയത്. അതെ സമയം മുൻ വെള്ളി മെഡൽ ജേതാവ് സോറ്റി ബൂറ 75 കിലോ ഗ്രാം വിഭാഗത്തിൽ നിന്ന് പുറത്തായി. രണ്ടാം സീഡ് ലൗറൻ പ്രൈസിനോടാണ് ബൂറ തോറ്റത്.