BWF വേള്ഡ് ടൂര് സൂപ്പര് 300 ടൂര്ണ്ണമെന്റിൽ ഇന്ത്യയുടെ നിരാശാജനകമായ പ്രകടനം. പുരുഷ വനിത വിഭാഗത്തിൽ മത്സരിച്ച അഞ്ച് ഇന്ത്യന് താരങ്ങളും യോഗ്യത റൗണ്ടിൽ പുറത്താകുകയായിരുന്നു. ഇതോടെ മെയിന് ഡ്രോയിലേക്ക് ഇവര്ക്ക് കയറാനായില്ല.
പുരുഷ വിഭാഗത്തിൽ കാര്ത്തികേയ ഗുൽഷന് കുമാര്, സതീഷ് കുമാര് എന്നിവരും വനിത വിഭാഗത്തിൽ ഉന്നതി ഹൂഡ, കെയൂര മൂപതി, പ്രേരണ നീലൂരി എന്നിവരാണ് പരാജിതരായത്.
ഉന്നതി ഹൂഡയ്ക്ക് 2 മാച്ച് പോയിന്റുകള് ലഭിച്ചുവെങ്കിലും താരത്തിന് അത് മുതലാക്കാനായില്ല. 21-17, 21-23, 16-21 എന്ന സ്കോറിനാണ് ഹൂഡ തായ്ലാന്ഡ് താരത്തോട് പൊരുതി വീണത്.