സമ്മര്‍ദ്ദത്തെ അതിജീവിച്ച് രോഹന്‍-കൂഹു ജോഡി, റഷ്യന്‍ ഓപ്പണ്‍ ഫൈനലില്‍

- Advertisement -

റഷ്യന്‍ ഓപ്പണ്‍ ബാഡ്മിന്റണ്‍ മിക്സഡ് ഡബിള്‍സില്‍ ഫൈനലില്‍ കടന്ന് ഇന്ത്യന്‍ ജോഡികളായ രോഹന്‍ കപ്പൂര്‍ കൂഹൂ ഗാര്‍ഗ് കൂട്ടുകെട്ട്. മലേഷ്യന്‍ താരങ്ങളെ 21-19, 11-21, 22-20 എന്ന സ്കോറിനു പരാജയപ്പെടുത്തിയാണ് ഇന്ത്യന്‍ താരങ്ങള്‍ മുന്നോട്ട് നീങ്ങിയത്. ആദ്യ ഗെയിം പൊരുതി നേടിയ ശേഷം രണ്ടാം ഗെയിമില്‍ ഇന്ത്യന്‍ ജോഡികളെ നിഷ്പ്രഭമാക്കി ശക്തമായ തിരിച്ചുവരവാണ് മത്സരത്തില്‍ മലേഷ്യന്‍ സഖ്യം നേടിയത്.

നിര്‍ണ്ണായകമായ മൂന്നാം ഗെയിമില്‍ 14-18നു പിന്നില്‍ പോയ ശേഷമാണ് മത്സരം 18-18 എന്ന സ്കോറിനു ഒപ്പം പിടിച്ച ഇന്ത്യന്‍ സഖ്യം ഒടുവില്‍ ഗെയിമും മത്സരവും 22-20നു സ്വന്തമാക്കി. 58 മിനുട്ട് നീണ്ട പോരാട്ടത്തിനൊടുവിലാണ് ഇന്ത്യന്‍ താരങ്ങളുടെ ജയം.

പുരുഷ ഡബിള്‍സില്‍ അരുണ്‍ ജോര്‍ജ്ജ്-സന്യം ശുക്ല സഖ്യത്തിനു സെമിയില്‍ പരാജയം ഏറ്റുവാങ്ങേണ്ടി വന്നു. റഷ്യയുടെ താരങ്ങളോട് 15-21, 19-21 എന്ന സ്കോറിനാണ് ഇന്ത്യന്‍ താരങ്ങള്‍ പരാജയം ഏറ്റുവാങ്ങിയത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement