സ്വിസ് ഓപ്പണിലെ കിഡംബി ശ്രീകാന്തിൻ്റെ യാത്ര സെമിയിൽ അവസാനിച്ചു. സെമിഫൈനലിൽ ലിൻ ചുൻ-യിക്കെതിരെ പരാജായപ്പെട്ടാണ് ശ്രീകാന്ത് പുറത്തായത്. 21-15, 9-21, 18-21 എന്ന സ്കോറിനാണ് ലിൻ ചുൻ യി ജയിച്ചത്‌. ഒരു മണിക്കൂറും അഞ്ച് മിനിറ്റും മത്സരം നീണ്ടു നിന്നു.
2022ന് ശേഷമുള്ള ശ്രീകാന്തിന്റെ ആദ്യ BWF സെമി ഫൈനൽ മത്സരമായിരുന്നു ഇത്. 2021-ൽ ആണ് അവസാനമായി ശ്രീകാന്ത് ഒരു ടൂർണമെന്റിന്റെ ഫൈനലിൽ എത്തിയത്. ശ്രീകാന്ത് പുറത്തായതോടെ ടൂർണമെൻ്റിലെ ഇന്ത്യൻ സാധ്യതകളും അവസാനിച്ചു.
