ഓര്‍ലീന്‍സ് മാസ്റ്റേഴ്സ് 2021ന്റെ സെമി ഫൈനലില്‍ കടന്ന് ഇന്ത്യയുടെ മിക്സഡ് ഡബിള്‍സ് ജോ‍ഡിയായ ധ്രുവ് കപില – അശ്വിനി പൊന്നപ്പ. 21-13, 21-18 എന്ന സ്കോറിനായിരുന്നു ഇവരുടെ വിജയം. ബ്രിട്ടന്റെ മാക്സ് ഫ്ലിന്‍ – ജെസീക്ക പഗ് കൂട്ടുകെട്ടിനെ 29 മിനുട്ടിലാണ് ഇവര്‍ പരാജയപ്പെടുത്തിയത്.
പുരുഷ വിഭാഗം സിംഗിള്‍സില്‍ ശ്രീകാന്ത് കിഡംബിയ്ക്ക് പരാജയം ഏറ്റുവാങ്ങേണ്ടി വന്നു. 19-21, 17-21 എന്ന സ്കോറിനാണ് താരം 42 മിനുട്ട് നീണ്ട പോരാട്ടത്തിനൊടുവില്‍ നേരിട്ടുള്ള ഗെയിമുകളില്‍ ഫ്രാന്‍സിന്റെ ടോമ ജൂനിയര്‍ പോപോവിനോട് പരാജയം ഏറ്റുവാങ്ങിയത്.
