കോമൺവെൽത്ത് ഗെയിംസിൽ ബാഡ്മിന്റൺ സെമിയിലേക്ക് മുന്നേറി ഇന്ത്യൻ വനിത ഡബിൾസ് ടീം ആയ ഗായത്രി ഗോപിചന്ദ്, ട്രീസ ജോളി സഖ്യം. ജമൈക്കയുടെ കാതറിൻ ജാം, താഹില റിച്ചാർസൺ സഖ്യത്തെ 21-8, 21-6 എന്ന തീർത്തും ഏകപക്ഷീയമായ സ്കോറിന് തകർത്തു ആണ് ഇന്ത്യയുടെ യുവ താരങ്ങൾ സെമിഫൈനലിലേക്ക് മുന്നേറിയത്.
അതേസമയം ലോക റാങ്കിംഗിൽ ഏഴാമതുള്ള 2018 ലെ കോമൺവെൽത്ത് വെള്ളിമെഡൽ ജേതാക്കളായ സാത്വിക് സായിരാജ് റാങ്കിറെഡി, ചിരാഗ് റെഡി സഖ്യം ക്വാർട്ടർ ഫൈനലിൽ ഓസ്ട്രേലിയൻ സഖ്യമായ ജേക്കബ് ഷുളർ, നേഥൻ ടാങ് സഖ്യത്തെ ആണ് തോൽപ്പിച്ചത്. 21-9, 21-11 എന്ന സ്കോറിന് അനായാസമായി ജയിച്ച അവർ മറ്റൊരു സെമിഫൈനലിലേക്ക് മുന്നേറി.
