ഏഷ്യന്‍ ഗെയിംസ് ബാഡ്മിന്റൺ ഡബിള്‍സ് ഫൈനലില്‍ കയറുന്ന ആദ്യ ഇന്ത്യന്‍ ജോഡിയായി സാത്വിക്സായിരാജ് – ചിരാഗ് ഷെട്ടി കൂട്ടുകെട്ട്. ഇന്ന് നടന്ന സെമി ഫൈനൽ മത്സരത്തിൽ മുന്‍ ലോക ചാമ്പ്യന്മാരായ ആരോൺ ചിയ – സോഹ വൂയി യിക് കൂട്ടുകെട്ടിനെ നേരിട്ടുള്ള ഗെയിമുകളിലാണ് ഇന്ത്യന്‍ താരങ്ങള്‍ പരാജയപ്പെടുത്തിയത്.
21-17, 21-12 എന്ന സ്കോറിനായിരുന്നു ഇന്ത്യന്‍ ജോഡിയുടെ വിജയം. മലേഷ്യന്‍ താരങ്ങളോട് മുന്‍പ് 8 തവണ ഏറ്റുമുട്ടിയപ്പോള്‍ ഒരു തവണ മാത്രമാണ് ഇന്ത്യന്‍ താരങ്ങള്‍ക്ക് വിജയം നേടാനായത്.
