ഏഷ്യൻ ഗെയിംസ് ലോംഗ് ജംപിൽ ഇന്ത്യൻ അത്‌ലറ്റുമാരായ മുരളി ശ്രീശങ്കറും ജെസ്വിൻ ആൽഡ്രിനും ഫൈനൽ റൗണ്ടിലേക്ക് മുന്നേറി. യോഗ്യതാ മാർക്കായ 7.90 മീറ്റർ താണ്ടാൻ ആയില്ല എങ്കിലും ഫൈനൽ റൗണ്ടിൽ എത്താൻ ആൽഡ്രിനായി. ബി ഗ്രൂപ്പിലായിരുന്നു ശ്രീശങ്കർ.
മുരളി ശ്രീശങ്കർ തന്റെ ആദ്യ ശ്രമത്തിൽ തന്നെ 7.97 മീറ്റർ ദൂരം ചാടി യോഗ്യത മാർക്ക് മറികടന്നു. ജെസ്വിൻ ആൽഡ്രിനാകട്ടെ ഹീറ്റ്സിൽ ആറാം സ്ഥാനം നേടിയാണ് ഫൈനലിൽ സ്ഥാനം ഉറപ്പിച്ചത്‌. ആൽഡ്രിന്റെ ഏറ്റവും മികച്ച ചാട്ടം 7.67 മീറ്റർ ആയിരുന്നു. ഇന്ത്യയുടെ മെഡൽ പ്രതീക്ഷയാണ് ഇരുവരും.
