ഏഷ്യൻ ഗെയിംസിൽ ഇന്ത്യക്ക് ഒരു മെഡൽ കൂടെ. പുരുഷന്മാരുടെ കനോയ് ഡബിൾ 1000 മീറ്റർ ഫൈനലിൽ അർജുൻ സിംഗ്-സുനിൽ സിംഗ് സലാം സഖ്യം 3:53.329 സമയത്തിൽ ഫിനിഷ് ചെയ്ത് ഇന്ത്യക്ക് വെങ്കല മെഡൽ നേടിക്കൊടുത്തു.
1994-ൽ ഹിരോഷിമയിൽ ഇതേ ഇനത്തിൽ ജോണി റോമലും സിജി കുമാർ സദാനന്ദനും വെങ്കല മെഡൽ നേടിയതിന് ശേഷം ആദ്യമായാണ് കനോയിങ്ങിൽ ഇന്ത്യ മെഡൽ നേടുന്നത്‌.
ഉസ്‌ബെക്കിസ്ഥാന്റെ ഷോഖ്‌മുറോദ് ഖോൽമുറാഡോവ്, നൂറിസ്‌ലോം തുഖ്താസിൻ ഉഗ്ലി സഖ്യം 3:43.796 സെക്കൻഡിൽ ഫിനിഷ് ചെയ്ത് സ്വർണം നേടി. 3:49.991 സമയത്തിൽ കസാക്കിസ്ഥാന്റെ ടിമോഫിയും സെർജി യെമെലിയാനോവും വെങ്കലം നേടി.
