2023-ൽ ഹാങ്ഷൗവിൽ നടന്നുകൊണ്ടിരിക്കുന്ന ഏഷ്യൻ ഗെയിംസിൽ ഇന്ത്യക്ക് ആയി ഒരു സ്വർണ്ണം കൂടെ നേടി ജ്യോതി. വനിതകളുടെ കോമ്പൗണ്ട് വ്യക്തിഗത ഇനത്തിൽ കൊറിയയുടെ ചെവോൻ സോയെ തോൽപ്പിച്ചാണ് ജ്യോതി സുരേഖ സ്വർണ്ണം നേടിയത്. ആവേശകരമായ ഫൈനലിൽ കൊറിയൻ എതിരാളിയെ 149-145 എന്ന സ്കോറിനാണ് ജ്യോതി പരാജയപ്പെടുത്തിയത്.
നേരത്തെ വനിതാ കോമ്പൗണ്ട് ടീം ഇനത്തിലും കോമ്പൗണ്ട് മിക്സഡ് ടീം ഇനങ്ങളിലും ജ്യോതി ഇന്ത്യക്ക് ആയി സ്വർണ്ണം നേടിയിരുന്നു. ഒപ്പം ഇതേ ഇനത്തിൽ അദിതി സ്വാമി വെങ്കലവും നേടി. വെങ്കല മെഡൽ പ്ലേ ഓഫിൽ, അവൾ തന്റെ ഇന്തോനേഷ്യൻ എതിരാളിയായ റാത്തിഹ് സിലിസാറ്റി ഫാദ്ലിയെ ആണ് കീഴടക്കിയത്. അമ്പെയ്ത്തിൽ 6 സ്വർണ്ണം നേടിയ ഇന്ത്യ ആണ് ഏറ്റവും മുന്നിൽ നിൽക്കുന്നത് അമ്പെയ്ത്തിൽ മാത്രം ഇന്ത്യ 11 മെഡലുകൾ നേടി.
ഇതോടെ ഇന്ത്യയുടെ മെഡൽ എണ്ണ 97 ആയി 24 സ്വർണ്ണത്തോടൊപ്പം ഇന്ത്യ 35 വെള്ളിയും 40 വെങ്കലവും നേടിയിട്ടുണ്ട്.
