ഇന്ത്യൻ കബഡി ടീം തുടർച്ചയായ മൂന്നാം വിജയത്തോടെ ഏഷ്യൻ ഗെയിംസിൽ സെമി ഫൈനൽ ഉറപ്പിച്ചു. ഇന്ന് നടന്ന മത്സരത്തിൽ ഇന്ത്യ ചൈനീസ് തായ്പെയെ ആണ് തോൽപ്പിച്ചത്. 50-27 എന്നായിരുന്നു സ്കോർ. ഈ വിജയത്തോടെ ഇന്ത്യ ഗ്രൂപ്പിലെ ഒന്നാം സ്ഥാനവും ഒപ്പം സെമി ഫൈനലും ഉറപ്പിച്ചു. വെങ്കല മെഡലും ഇന്ത്യക്ക് ഉറപ്പായി.
എന്നാൽ ഗോൾഡ് തന്നെയാകും കബഡിയിൽ ഇന്ത്യയുടെ ലക്ഷ്യം. സെമിയിൽ പാകിസ്താൻ ആകും ഇന്ത്യയുടെ വൈരികൾ. അതിനു മുമ്പ് ഇന്ത്യക്ക് ജപ്പാനെതിരെ ഒരു ഗ്രൂപ്പ് മത്സരം കൂടെ ബാക്കിയുണ്ട്. ഇന്ത്യയുടെ വനിതാ ടീമും കബഡിയിൽ സെമിയിൽ എത്തിയിട്ടുണ്ട്‌
