ഇന്ത്യക്ക് ഏഷ്യൻ ഗെയിംസ് അത്ലറ്റിക്സിൽ ഒരു മെഡൽ കൂടെ. ഇന്ന് 800 മീറ്റർ വനിതകളുടെ ഓട്ടത്തിൽ ഹർമിലാൻ ബെയിൻസ് വെള്ളി നേടി. 2.03.75 എന്ന സമയത്തിൽ ഫിനിഷ് ചെയ്താണ് ഹർമിലാൻ വെള്ളി നേടുയത്. അവസാന 25 മീറ്ററിൽ നടത്തിയ കുതിപ്പിലൂടെയാണ് നാലാം സ്ഥാനത്ത് നിന്ന് ഹർമിലാൻ രണ്ടാം സ്ഥാനത്തേക്ക് എത്തിയത്.
ശ്രീലങ്കയുടെ താരുശി സ്വർണ്ണവും ചൈനയുടെ വാങ് ചുന്യു വെങ്കലവും നേടി. ഹാർമിലാന്റെ രണ്ടാം മെഡൽ ആണിത്. കഴിഞ്ഞ ദിവസം 1500 മീറ്ററിൽ ഹാർമിലാൻ വെള്ളി നേടിയിരുന്നു. ഇന്ത്യക്ക് ഇതോടെ 76 മെഡൽ ആയി. 16 സ്വർണം, 28 വെള്ളി, 32 വെങ്കലം എന്നിവയാണ് ഇന്ത്യയുടെ ഇതുവരെയുള്ള നേട്ടം.
