പാരീസ് പാരാലിമ്പിക്സ് 2024 ലെ പുരുഷ സിംഗിൾസ് SL4 ബാഡ്മിൻ്റൺ വിഭാഗത്തിൽ ഇന്ത്യയുടെ സുഹാസ് യതിരാജ് വെള്ളി മെഡൽ ഉറപ്പിച്ചു. ഫ്രാൻസിൻ്റെ ലൂക്കാസ് മഴൂരിൽ നിന്ന് കടുത്ത വെല്ലുവിളി നേരിട്ട സുഹാസ്, സ്വർണ്ണ മെഡൽ മത്സരത്തിൽ 9-21, 9-21 ന് പരാജയപ്പെട്ടു. എങ്കിലും വെള്ളി മെഡൽ സ്വന്തമാക്കി. അരീന കോർട്ട് 1ൽ നടന്ന മത്സരം 34 മിനിറ്റ് നീണ്ടുനിന്നു.
ലോക ഒന്നാം നമ്പർ റാങ്കിലുള്ള സുഹാസ്, ലോക ചാമ്പ്യൻഷിപ്പിലെയും ഏഷ്യൻ പാരാ ഗെയിംസിലെയും സ്വർണം ഉൾപ്പെടെ ശ്രദ്ധേയമായ നേട്ടങ്ങൾ സ്വന്തമാക്കിയിട്ടുണ്ട്.
