അമിത് പംഗൽ പാരീസ് ഒളിമ്പിക്സിന് യോഗ്യത നേടി. ഞായറാഴ്ച ബാങ്കോക്കിൽ നടന്ന രണ്ടാം ലോക യോഗ്യതാ ടൂർണമെൻ്റിൻ്റെ 51 കിലോഗ്രാം ക്വാർട്ടർ ഫൈനലിൽ ചൈനയുടെ ചുവാങ് ലിയുവിനെ തോൽപ്പിച്ച് ആണ് ലോക ചാമ്പ്യൻഷിപ്പ് വെള്ളി മെഡൽ ജേതാവ് അമിത് പംഗൽ പാരീസ് ഒളിമ്പിക്സിന് യോഗ്യത നേടിയത്. ഇന്ത്യയുടെ ഏക പുരുഷ ലോക ചാമ്പ്യൻഷിപ്പ് വെള്ളി മെഡൽ ജേതാവായിരുന്നു പംഗൽ.
ഇന്ന് ലിയുവിനെതിരെ 5-0നാണ് അദ്ദേഹം വിജയിച്ചത്. നിശാന്ത് ദേവ് (71 കിലോഗ്രാം), നിഖാത് സരീൻ (50 കിലോഗ്രാം), പ്രീതി പവാർ (54 കിലോഗ്രാം), ലോവ്ലിന ബോർഗോഹെയ്ൻ (75 കിലോഗ്രാം) എന്നിവരും ബോക്സിങിൽ ഇന്ത്യക്ക് ആയി ഒളിമ്പിക് ബർത്ത് ബുക്ക് ചെയ്തിട്ടുണ്ട്.
