പുരുഷ ഹോക്കി ലോകകപ്പിനുള്ള ഇന്ത്യയുടെ 18 അംഗ സംഘത്തെ പ്രഖ്യാപിച്ചു. ഹര്മ്മന്പ്രീത് സിംഗ് ക്യാപ്റ്റനും അമിത് രോഹിദാസ് ഉപനായകനുമായുള്ള സംഘത്തിൽ മലയാളി താരം ശ്രീജേഷും ടീമിലുണ്ട്. ജനുവരി 13 2023ന് ആണ് ഭുവനേശ്വറിലും റൂര്കിലയിലുമായി ടൂര്ണ്ണമെന്റ് ആരംഭിയ്ക്കുന്നത്.
പൂള് ഡിയിൽ സ്പെയിന്, വെയിൽസ്, ഇംഗ്ലണ്ട് എന്നിവരാണ് ഇന്ത്യയുടെ എതിരാളികള്. പൂള് എയിൽ അര്ജന്റീന, ഓസ്ട്രേലിയ, ഫ്രാന്സ്, ദക്ഷിണാഫ്രിക്ക എന്നിവരും പൂള് ബിയിൽ ബെൽജിയം, ജര്മ്മനി, ജപ്പാന്, കൊറിയ എന്നിവരും പൂള് സിയിൽ ചിലി, മലേഷ്യ, നെതര്ലാണ്ട്സ്, ന്യൂസിലാണ്ട് എന്നിവരും കളിക്കുന്നു.
അര്ജന്റീനയും ദക്ഷിണാഫ്രിക്കയും തമ്മിൽ ഭുവനേശ്വറിലാണ് ഉദ്ഘാടന മത്സരം. അന്നേ ദിവസം റൂര്കിലയിൽ സ്പെയിനാണ് ഇന്ത്യയുടെ ആദ്യ എതിരാളികള്.