ഫുട്‌ബോളിൽ സിനദിൻ സിദാനെ മാത്രമേ പെലെയുമായി താരതമ്യം ചെയ്യാൻ പറ്റുന്നത് എന്ന് ഫ്രാൻസ് താരം കിലിയൻ എംബപ്പേ. പി എസ് ജി താരമായ എംബപ്പേ റയൽ മാഡ്രിഡിലേക് മാറിയേക്കും എന്ന അഭ്യുഹങ്ങൾ പരക്കുന്നതിന് ഇടയിലാണ് താരം റയൽ പരിശീലകൻ കൂടിയായ സിദാനെ കുറിച്ച് ഇത്തരമൊരു അഭിപ്രായം നടത്തിയത് എന്നത് ശ്രദ്ധേയമാണ്.
നേരത്തെ ഫുട്‌ബോൾ ഇതിഹാസം പെലെക്കൊപ്പം പാരീസിൽ പങ്കെടുത്ത പരിപാടിക്ക് ശേഷമാണ് ഫ്രാൻസ് താരം സിസുവിനോടുള്ള സ്നേഹം പ്രകടിപ്പിച്ചത്. റയൽ പ്രസിഡന്റ് ഫ്ലോറന്റിനോ പെരസ് 280 മില്യൺ യൂറോയോളം മുടക്കി എംബപ്പേയെ ലക്ഷ്യമിടുന്നതായി നേരത്തേ റിപ്പോർട്ടുകൾ വന്നിരുന്നു. സിദാനോട് എംബപ്പേകുള്ള മികച്ച ബന്ധവും താരത്തെ ബെർണാബുവിൽ എത്തിക്കുന്നതിൽ നിർണായകമായേക്കും എന്നാണ് ഫ്രാൻസിൽ നിന്നുള്ള സൂചസകൾ.
