എഫ്.എ കപ്പ് സെമിഫൈനലിൽ ബ്രൈറ്റണിനെ വീഴ്ത്തി മാഞ്ചസ്റ്റർ യുണൈറ്റഡ് വനിതകൾ. 5 ഗോളുകൾ പിറന്ന ത്രില്ലറിൽ അവസാന മിനിറ്റിൽ പിറന്ന ഗോളിൽ ആണ് യുണൈറ്റഡ് വെമ്പ്ളിയിലേക്ക് ടിക്കറ്റ് എടുത്തത്. യുണൈറ്റഡ് ആധിപത്യം കണ്ട മത്സരത്തിൽ മേരി ഇർപ്സിന്റെ സെൽഫ്‌ ഗോളിൽ 36 മത്തെ മിനിറ്റിൽ ബ്രൈറ്റൺ ആണ് മുന്നിൽ എത്തിയത്. രണ്ടാം പകുതിയുടെ തുടക്കത്തിൽ തന്നെ ലിയ ഗാൽറ്റന്റെ ഗോളിൽ യുണൈറ്റഡ് സമനില പിടിച്ചു.
71 മത്തെ മിനിറ്റിൽ സൂപ്പർ താരം അലസിയോ റൂസോ കേറ്റി സലമിന്റെ പാസിൽ നിന്നു ഗോൾ നേടിയതോടെ യുണൈറ്റഡ് മത്സരത്തിൽ മുന്നിലെത്തി. എന്നാൽ നാലു മിനിറ്റിനുള്ളിൽ ഡാനിയേല കാർട്ടറിലൂടെ ബ്രൈറ്റൺ തിരിച്ചടിച്ചു. തുടർന്ന് 89 മത്തെ മിനിറ്റിൽ കേറ്റി സലമിന്റെ പാസിൽ നിന്നു ആവേശകരമായ വിജയഗോൾ റേച്ചൽ വില്യംസ് നേടുക ആയിരുന്നു. ചരിത്രത്തിൽ ഇത് ആദ്യമായാണ് മാഞ്ചസ്റ്റർ യുണൈറ്റഡ് വനിതകൾ ഒരു പ്രധാന ടൂർണമെന്റിന്റെ ഫൈനലിൽ എത്തുന്നത്. ഫൈനലിൽ ചെൽസി, ആസ്റ്റൺ വില്ല മത്സരവിജയിയെ ആവും അവർ നേരിടുക.
