വനിതാ എഫ് എ കപ്പിൽ മാഞ്ചസ്റ്റർ സിറ്റിക്ക് കിരീടം. ഇന്നലെ നടന്ന ഫൈനൽ പോരാട്ടത്തിൽ വെസ്റ്റ് ഹാമിനെ തോൽപ്പിച്ചാണ് സിറ്റി ഉയർത്തിയത്. എതിരില്ലാത്ത മൂന്നു ഗോളുകൾക്കായിരുന്നു മാഞ്ചസ്റ്റർ സിറ്റിയുടെ വിജയം. സിറ്റിക്കു വേണ്ടി കെയ്റൺ വാൽസ്, സ്റ്റാന്വേ, ലോറൻ ഹെമ്പ് എന്നിവരാണ് ഗോളുകൾ നേടിയത്. മൂന്നു ഗോളുകളും രണ്ടാം പകുതിയിലായിരുന്നു പിറന്നത്.
ചെൽസിയെ പരാജയപ്പെടുത്തി ആയിരുന്നു മാഞ്ചസ്റ്റർ സിറ്റി എഫ് എ കപ്പിന്റെ ഫൈനലിലേക്ക് എത്തിയത്. നേരത്തെ കൊണ്ടിനന്റൽ കപ്പും നേടിയിരുന്ന മാഞ്ചസ്റ്റർ സിറ്റിക്ക് ഇതോടെ ഈ സീസണിൽ രണ്ട് കിരീടമായി. ലീഗ് കിരീടം നേടാൻ ആവാത്ത വിഷമത്തിൽ നിന്ന് ഈ ഇരട്ട കിരീടം സിറ്റിക്ക് ആശ്വാസമേകും.
