കോണ്ടിനെന്റൽ കപ്പ് ക്വാർട്ടർ ലൈനപ്പായി, അത്ഭുതങ്ങൾ കാട്ടാൻ മാഞ്ചസ്റ്റർ യുണൈറ്റഡ്

ഇംഗ്ലീഷ് വനിത ക്ലബുകൾ പങ്കെടുക്കുന്ന കോണ്ടിനെന്റൽ കപ്പിന്റെ ക്വാർട്ടർ ഫൈനൽ ലൈനപ്പായി. ക്വാർട്ടറിൽ കരുത്തരായ ടീമുകൾക്ക് ഒപ്പം പുത്തൻ ക്ലബായ മാഞ്ചസ്റ്റർ യുണൈറ്റഡും ഇടം പിടിച്ചു. ക്വാർട്ടറിലെ ബാക്കി ഏഴു ടീമുകളും ഒന്നാം ഡിവിഷനിൽ കളിക്കുന്ന ടീമാണ്. മാഞ്ചസ്റ്റർ യുണൈറ്റഡ് മാത്രമെ ചാമ്പ്യൻഷിപ്പിൽ കളിക്കുന്ന ടീമായി ക്വാർട്ടറിൽ ഉള്ളൂ.

മാഞ്ചസ്റ്റർ യുണൈറ്റഡിന് വെസ്റ്റ് ഹാം യുണൈറ്റഡ് ആണ് എതിരാളികളായുള്ളത്. ഈ സീസൺ തുടക്കത്തിൽ രൂപീകരിച്ച മാഞ്ചസ്റ്റർ യുണൈറ്റഡ് ടീം ഗംഭീര പ്രകടനമാണ് കാഴ്ചവെക്കുന്നത്. ഇതുവരെ ഈ സീസണിൽ ഒരു പരാജയമെ യുണൈറ്റഡ് നേരിട്ടുട്ടുള്ളൂ. നാൽപ്പതിൽ അധികം ഗോളുകൾ അടിച്ചപ്പോൾ ആകെ വഴങ്ങിയത് നാലു ഗോളുകളും. ചാമ്പ്യൻഷിപ്പിൽ ഒന്നാം സ്ഥാനത്തും മാഞ്ചസ്റ്റർ യുണൈറ്റഡ് ആണ്.

ചെൽസി, ആഴ്സണൽ, മാഞ്ചസ്റ്റർ സിറ്റി, ലിവർപൂൾ തുടങ്ങിയ ശക്തരും ക്വാർട്ടറിൽ ഉണ്ട്. മാഞ്ചസ്റ്റർ യുണൈറ്റഡിന് ക്വാർട്ടർ കടന്ന് ഇനിയും അത്ഭുതങ്ങൾ കാണിക്കാൻ ആകുമോ എന്നാണ് ഉറ്റുനോക്കുന്നത്.

ക്വാർട്ടർ ഫിക്സ്ചർ;

Manchester United V West Ham United
Chelsea V Reading
Manchester City V Brighton & Hove Albion
Arsenal LFC V Birmingham City
(എല്ലാ മത്സരങ്ങളും ജനുവരി 9ന് നടക്കും)