വനിത ചാമ്പ്യൻസ് ലീഗിൽ തുടർച്ചയായ മൂന്നാം തവണയും ഫൈനലിലേക്ക് മുന്നേറി ബാഴ്‌സലോണ വനിതകൾ. ആദ്യ പാദ സെമിഫൈനലിൽ ചെൽസിയെ 1-0 നു തോൽപ്പിച്ച അവർ ഇന്ന് ക്യാമ്പ് ന്യൂവിൽ രണ്ടാം പാദത്തിൽ 1-1 ന്റെ സമനില വഴങ്ങി ആണ് ഫൈനലിലേക്ക് മുന്നേറിയത്. ബാഴ്‌സലോണ ആധിപത്യം കണ്ട മത്സരത്തിൽ എന്നാൽ ഇടക്ക് അവസരങ്ങൾ സൃഷ്ടിക്കാൻ ചെൽസിക്ക് ആയി.
ഗോൾ രഹിതമായ ആദ്യ പകുതിക്ക് ശേഷം 63 മത്തെ മിനിറ്റിൽ കരോളിൻ ഹാൻസനിലൂടെ ബാഴ്‌സ ആണ് മത്സരത്തിൽ മുന്നിൽ എത്തിയത്. ആദ്യ പാദത്തിലും ഗോൾ നേടിയ ഹാൻസൻ ബോൺമാറ്റിയുടെ പാസിൽ നിന്നാണ് ഗോൾ നേടിയത്. എന്നാൽ നാലു മിനിറ്റിനുള്ളിൽ ഗുരോ റെയ്റ്റനിലൂടെ ചെൽസി ഗോൾ മടക്കി. എന്നാൽ തുടർന്ന് സമനില ഗോളിന് ആയുള്ള ചെൽസി ശ്രമങ്ങൾ ഫലം കണ്ടില്ല. ഫൈനലിൽ ആഴ്‌സണൽ, വോൾവ്സ്ബർഗ് മത്സര വിജയികളെ ആവും ബാഴ്‌സലോണ നേരിടുക.
