ട്രിനിഡാഡ് ആൻഡ് ടൊബാഗോ സ്ട്രൈക്കർ വില്ലിസ് പ്ലാസ് വീണ്ടും മൊഹമ്മദൻസിൽ. താരം കൊൽക്കത്തൻ ക്ലബായ മുഹമ്മദൻസുമായി താൽക്കാലിക കരാറിൽ ഒപ്പുവെച്ചു. സെക്കൻഡ് ഡിവിഷനിൽ കളിക്കാനായാണ് കരാർ. സെക്കൻഡ് ഡിവിഷൻ ജയിച്ച് മുഹമ്മദ് ഐ ലീഗിൽ എത്തുക ആണെങ്കിൽ പ്ലാസ ദീർഘകാല കരാർ ക്ലബിൽ ഒപ്പുവെക്കും.
മുമ്പ് 2018ലും പ്ലാസ മൊഹമ്മദൻസിനായി കളിച്ചിരുന്നു. അവസാനമായി ബംഗ്ലാദേശ് ക്ലബായ ബസുന്ദര കിംഗ്സിലാണ് പ്ലാസ കളിച്ചത്. അവസാന രണ്ട് ഐ ലീഗ് സീസണുകളിലും ചർച്ചിൽ ബ്രദേഴ്സ് അറ്റാക്കിലെ പ്രധാനി ആയിരുന്നു വില്ലിസ് പ്ലാസ.മുൻ ഈസ്റ്റ് ബംഗാൾ സ്ട്രൈക്കർ കൂടിയാണ്.
