വിനീഷ്യസ് ജൂനിയർ നീണ്ടകാലം പുറത്തിരിക്കും എന്ന് റിപ്പോർട്ടുകൾ. താരത്തിന് ഏറ്റ പരിക്ക് സാരമുള്ളതാണ് എന്നും തിരികെ കളത്തിൽ എത്താൻ മൂന്ന് മാസം എങ്കിലും ചുരുങ്ങിയത് ആകും എന്നും റിപ്പോർട്ടുകൾ പറയുന്നു. വിനീഷ്യസിന്റെ അഭാവം ബ്രസീലിനെയും റയൽ മാഡ്രിഡിനെയും ഒരു പോലെ ബാധിക്കും. നെയ്മർ പരിക്കേറ്റ് പുറത്തായതിനാൽ വിനീഷ്യസ് ആയിരുന്നു ബ്രസീലിന്റെ അറ്റാക്കിലെ പ്രധാന പ്രതീക്ഷ.
കൊളംബിയക്ക് എതിരായ മത്സരത്തിൽ ആണ് വിനീഷ്യസിന്റെ ഇടതു തുടയ്ക്ക് പരിക്കേറ്റത്. ചൊവ്വാഴ്ച നടക്കുന്ന അർജന്റീനയ്ക്കെതിരായ ലോകകപ്പ് യോഗ്യതാ മത്സരവും താരത്തിന് നഷ്ടമാകും. ബ്രസീൽ അവസാന മൂന്ന് മത്സരങ്ങളിലും വിജയിക്കാൻ ആകാതെ നിൽക്കുകയാണ്. അർജന്റീനക്ക് എതിരെയും വിജയിക്കാൻ ആകാതെ വന്നാൽ അവർ ലോക്കപ്പ് യോഗ്യത റൗണ്ട് ടേബിളിൽ ഇനിയും താഴേക്ക് പോകും.
റയൽ മാഡ്രിഡിനും വിനീഷ്യസിന്റെ സേവനം നഷ്ടമാകും. സീസൺ തുടക്കത്തിലും വിനീഷ്യസിനെ പരിക്ക് ബാധിച്ചിരുന്നു.
