അണ്ടർ 20 വനിതാ ഏഷ്യൻ കപ്പ് യോഗ്യത റൗണ്ടിൽ തന്നെ ഇന്ത്യ പുറത്ത്. ഇന്ന് ഗ്രൂപ്പ് ഘട്ടത്തിലെ അവസാന മത്സരത്തിൽ വിയറ്റ്നാമിനോട് സമനില വഴങ്ങിയതോടെയാണ് ഇന്ത്യൻ യുവതികൾ പുറത്തായത്. ഇന്ന് 1-1 എന്ന സ്കോറിലാണ് മത്സരം അവസാനിച്ചത്. ഇന്ത്യ തുടക്കത്തിൽ ബബിന ദേവിയിലൂടെ ലീഡ് എടുത്തു എങ്കിലും അത് നിലനിർത്താൻ ടീമിന് ആയില്ല.
ഗ്രൂപ്പ് ഘട്ടത്തിൽ ആദ്യ രണ്ട് മത്സരങ്ങളിൽ ഇന്ത്യ സിംഗപൂരിനെയും ഇന്തോനേഷ്യയെയും വലിയ സ്കോറിൽ വിജയിച്ചിരുന്നു. ഇന്ത്യക്കും വിയറ്റ്നാമിനും 7 പോയിന്റ് വീതമായിരുന്നു. മികച്ച ഗോൾ ഡിഫറൻസ് വിയറ്റ്നാമിന് തുണയായി.
