ജൂണിൽ കരാർ അവസാനിക്കാൻ ഇരിക്കെ ആണെങ്കിലും ക്ലബ്ബിലെ തൻ്റെ ഭാവിയെക്കുറിച്ച് ആശങ്ക ഇല്ല എന്ന് ലിവർപൂൾ ക്യാപ്റ്റൻ വാൻ ഡൈക്ക്. വാൻ ഡൈക്കുമായി ലിവർപൂൾ നടത്തിയ കരാർ ചർച്ചകൾ ഇതുവരെ ഫലം കണ്ടിട്ടില്ല. ആൻഫീൽഡിലെ 33-കാരനായ ഡിഫൻഡറുടെ ഏഴ് വർഷത്തെ യാത്രയ്ക്ക് ഈ സീസണോടെ അവസാനമാകുമോ എന്ന ആശങ്ക ലിവർപൂൾ ആരാധാകർക്ക് ഉണ്ട്.
ഞായറാഴ്ച ന്യൂകാസിലിനെതിരായ ലീഗ് കപ്പ് ഫൈനലിൽ ലിവർപൂളിനെ നയിക്കുന്ന വാൻ ഡൈക്, കരാർ ചർച്ചകളേക്കാൾ ടീമിനായുള്ള പ്രകടനങ്ങളിൽ ആണ് തന്റെ ശ്രദ്ധ എന്ന് പറഞ്ഞു. “എനിക്കറിയില്ല. പക്ഷേ, ഒരു ആശങ്കയും സൃഷ്ടിക്കാൻ ഞാൻ ആഗ്രഹിക്കുന്നില്ല, ഞാൻ തല താഴ്ത്തി അടുത്ത 10 ഗെയിമുകൾ വിജയിക്കുന്നതിൽ ശ്രദ്ധ കേന്ദ്രീകരിക്കുന്നു, ”അദ്ദേഹം പറഞ്ഞു.
ലിവർപൂൾ മാനേജർ ആർനെ സ്ലോട്ട് വാൻ ഡൈക്കിനെ ക്ലബിൽ നിലനിർത്താനുള്ള തൻ്റെ ആഗ്രഹം പ്രകടിപ്പിച്ചു, “എനിക്കറിയാവുന്ന ഒരേയൊരു കാര്യം വാൻ ഡൈക്ക് അടുത്ത സീസണിൽ ഇവിടെ ഉണ്ടായിരിക്കണമെന്ന് ഞാൻ ആഗ്രഹിക്കുന്നു എന്നതാണ്.”
