മാഞ്ചസ്റ്റർ യുണൈറ്റഡ് താരങ്ങൾ കൊറോണ പരിശോധന പൂർത്തിയാക്കി. പരിശീലനം പുനരാരംഭിക്കുന്നതിന്റെ ഭാഗമായാണ് ഇന്നലെ താരങ്ങൾ യുണൈറ്റഡിന്റെ പരിശീലന ഗ്രൗണ്ടായ കാരിങ്ടണിൽ എത്തി സ്രവം പരിശോധനയ്ക്കായി നൽകിയത്‌. ഇന്ന് പരിശോധന ഫലം ലഭിക്കും എന്നാണ് കരുതുന്നത്. താരങ്ങൾ അടുത്ത ദിവസം മുതൽ ടീമായി പരിശീലനം ആരംഭിക്കും.
വിദേശത്ത് ആയിരുന്നു ബ്രൂണോ ഫെർണാണ്ടസ്, ലിൻഡെലോഫ് എന്നിവരൊക്കെ മടങ്ങി എത്തിയിട്ടുണ്ട്‌. പരിക്ക് കാരണം അവസാന കുറേ കാലമായി പുറത്തിരിക്കുക ആയിരുന്ന പോഗ്ബയും റാഷ്ഫോർഡും ഇന്നലെ കൊറോണ പരിശോധന പൂർത്തിയാക്കിയിരുന്നു. ഇരുവരും പരിശീലനത്തിന് ഇറങ്ങും എന്നതിന്റെ സൂചനയാണിത്. ജൂണിൽ പ്രീമിയർ ലീഗ് പുനരാരംഭിക്കാൻ ആണ് ഇപ്പോൾ തീരുമാനിച്ചിരിക്കുന്നത്.
