ബോൺമൗത്തിനെതിരായ 2-0 വിജയത്തിനിടെ പരിക്കേറ്റതിനെത്തുടർന്ന് ലിവർപൂളിന്റെ റൈറ്റ്-ബാക്ക് ട്രെന്റ് അലക്സാണ്ടർ-അർനോൾഡ് അടുത്തയാഴ്ച ടോട്ടൻഹാമിനെതിരായ അവരുടെ കാരബാവോ കപ്പ് സെമിഫൈനലിന്റെ രണ്ടാം പാദത്തിൽ കളിക്കില്ല. 26കാരൻ രണ്ടാഴച എങ്കിലും പുറത്തിരിക്കും.
ലിവർപൂൾ മാനേജർ ആർനെ സ്ലോട്ട് താരം സ്പർസിനെതിരെ കളിക്കുന്നത് സംശയമാണെന്ന് പറഞ്ഞു.
സ്പർസിനെതിരായ ആദ്യ പാദത്തിൽ 1-0 തോറ്റ ലിവർപൂളിന് രണ്ടാം പാദത്തിൽ വിജയിക്കേണ്ടതുണ്ട്‌. നാല് വർഷത്തിനിടെ മൂന്നാം തവണയും കാരബാവോ കപ്പ് ഫൈനലിലെത്താമെന്ന പ്രതീക്ഷയിലാണ് ലിവർപൂൾ. 2022 ലും 2024 ലും അവർ ഈ കിരീടം നേടിയിരുന്നു.
