ഇറ്റാലിയൻ താരം നിക്കോളോ സനിയോളോ ഇറ്റലിയിലേക്ക് തിരികെയെത്തുന്നു. അറ്റലാന്റ ആണ് താരത്തെ സ്വന്തമാക്കാൻ ശ്രമിക്കുന്നത്. തുർക്കി ക്ലബായ ഗലാറ്റസറേയിൽ നിന്ന് ലോൺ അടിസ്ഥാനത്തിൽ ആകും സനിയോളോ അറ്റലാന്റയിലേക്ക് എത്തുന്നത്. അടുത്ത സീസണിൽ 17 മില്യൺ നൽകി അറ്റലാന്റയ്ക്ക് താരത്തെ സ്വന്തമാക്കാൻ ആകും.
എഎസ് റോമയിൽ നിന്നായിരുന്നു ഒരു സീസൺ മുമ്പ് സനിയോളോ തുർക്കിയിലേക്ക് പോയത്. റോമയിൽ മുമ്പ് 5 വർഷത്തോളം സനിയോള കളിച്ചിരുന്നു. ലോണിൽ ആസ്റ്റൺ വില്ലയിലും താരം കളിച്ചിരുന്നു. ഇറ്റലിയിൽ മടങ്ങി വന്ന് തന്റെ പഴയ ഫോം കണ്ടെത്തുക ആണ് ഇപ്പോൾ സനിയോളയുടെ ലക്ഷ്യം. 25കാരനായ താരം ഇറ്റലി ദേശീയ ടീമിനായി 19 മത്സരങ്ങൾ കളിച്ചിട്ടുണ്ട്.
