ജർമ്മൻ ക്ലബ് സ്റ്റുഗാർട്ടിന്റെ ഗ്രീക്ക് പ്രതിരോധതാരം കോസ്റ്റന്റിനോസ് മാവ്രോപാനോസിനെ വെസ്റ്റ് ഹാം യുണൈറ്റഡ് സ്വന്തമാക്കും. 25 കാരനായ താരത്തെ 20 മില്യൺ യൂറോയും 5 മില്യൺ ആഡ് ഓണും നൽകിയാണ് വെസ്റ്റ് ഹാം സ്വന്തമാക്കുന്നത്. 2018 ൽ ആഴ്‌സണൽ ഗ്രീക്ക് ടീമിൽ നിന്നു സ്വന്തമാക്കിയ മാവ്രോപാനോസ് പല ടീമുകളിൽ ലോണിൽ പോയി.
തുടർന്ന് 2020 മുതൽ 2022 വരെ സ്റ്റുഗാർട്ടിൽ ലോണിൽ മികച്ച പ്രകടനം നടത്തിയ താരത്തെ 2022 ൽ ആണ് ആഴ്‌സണൽ അവർക്ക് തന്നെ വിൽക്കുന്നത്. നിലവിൽ താരത്തിന്റെ ട്രാൻസ്‌ഫർ തുകയിൽ പത്ത് ശതമാനം ആഴ്‌സണലിന് ലഭിക്കും. സ്റ്റുഗാർട്ടിന് ആയി 89 കളികൾ കളിച്ച താരം ഗ്രീസിന് ആയി 2021 ൽ ആണ് അരങ്ങേറിയത്. രാജ്യത്തിനു ആയി ഇത് വരെ 19 കളികളും താരം കളിച്ചിട്ടുണ്ട്. മഗ്വയറിനെ സ്വന്തമാക്കാനുള്ള ശ്രമം പരാജയപ്പെട്ടതോടെ ആണ് വെസ്റ്റ് ഹാം ഗ്രീക്ക് താരത്തെ സ്വന്തമാക്കിയത്.
