വെസ്റ്റ് ഹാം ക്യാപ്റ്റൻ ഡക്ലൻ റൈസിന് ആയുള്ള ആഴ്‌സണലിന്റെ രണ്ടാം ശ്രമവും ക്ലബ് നിരസിച്ചു. ആഴ്‌സണൽ തങ്ങളുടെ ക്ലബ് റെക്കോർഡ് ആയ 90(75+15) മില്യൺ പൗണ്ട് ആണ് വെസ്റ്റ് ഹാമിനു മുന്നിൽ വച്ചത്. എന്നാൽ ഇത് വെസ്റ്റ് ഹാം നിരസിക്കുക ആയിരുന്നു.
100 മില്യണിൽ അധികം താരത്തിന് ആയി പ്രതീക്ഷിക്കുന്ന വെസ്റ്റ് ഹാം ആഴ്‌സണൽ മുന്നോട്ട് കച്ച 15 മില്യൺ ആഡ് ഓൺ തുകയിലും തൃപ്തരല്ല. ഉടൻ തന്നെ ആഴ്‌സണൽ താരത്തിന് ആയി പുതിയ ഓഫർ മുന്നോട്ട് വക്കും എന്നാണ് സൂചന. അതേസമയം ക്ലബ്ബിൽ ചേരാൻ താൽപ്പര്യമുള്ള ചെൽസിയുടെ ഹാവർട്‌സിന് ആയുള്ള ശ്രമവും ആഴ്‌സണൽ സജീവമാക്കി.
