ലിവർപൂളിൻ്റെ സ്റ്റാർ ഫുൾ ബാക്ക് ട്രെൻ്റ് അലക്സാണ്ടർ-അർനോൾഡിനെ സുരക്ഷിതമാക്കാൻ റയൽ മാഡ്രിഡ് ശ്രമം തുടരുകയാണ്. അദ്ദേഹത്തിൻ്റെ കരാർ സാഹചര്യം മുതലെടുക്കാൻ ആണ് റയൽ പദ്ധതിയിടുന്നത്. ജനുവരി വിൻഡോയിൽ 15-20 മില്യൺ യൂറോയുടെ ഓഫറുമായി റയൽ ലിവർപൂളിനെ സമീപിക്കാൻ തയ്യാറാണെന്ന് റിപ്പോർട്ടുണ്ട്.
എന്നിരുന്നാലും, ലിവർപൂൾ ഉയർന്ന ഫീസ് ആവശ്യപ്പെടുകയാണെങ്കിൽ, അലക്സാണ്ടർ-അർനോൾഡിനെ ഒരു ഫ്രീ ഏജൻ്റായി സൈൻ ചെയ്യാൻ വേനൽക്കാലം വരെ കാത്തിരിക്കാൻ റയൽ മാഡ്രിഡ് തയ്യാറാണ്.
താരവും റയൽ മാഡ്രിഡും തമ്മിലുള്ള ഔദ്യോഗിക ചർച്ചകൾ ഉടൻ ആരംഭിക്കുമെന്ന് പ്രതീക്ഷിക്കുന്നു. ആഞ്ചലോട്ടി അലക്സാണ്ടർ-അർനോൾഡിനെ അവരുടെ സ്ക്വാഡിന് തികച്ചും അനുയോജ്യനായ താരമായാണ് കാണുന്നത്. പ്രതിരോധത്തിലെ പരിക്കിന്റെ പ്രശ്നങ്ങൾ കാരണം റയൽ ഈ വിൻഡോയിൽ ഡിഫൻസീവ് താരങ്ങളെ ലക്ഷ്യമിടുന്നുണ്ട്.
നിലവിലെ ലിവർപൂൾ കരാർ കാലഹരണപ്പെടാനിരിക്കെ, ഈ ജനുവരിയിൽ ട്രെന്റിനെ സ്വന്തമാക്കാൻ ആയില്ല അല്ലെങ്കിൽ സീസണിൻ്റെ അവസാനത്തിൽ ഇംഗ്ലണ്ട് ഇൻ്റർനാഷണലിനെ ഫ്രീ ട്രാൻസ്ഫറിൽ റയലിന് സ്വന്തമാക്കാൻ ആകും.
