ജനുവരി ട്രാൻസ്ഫർ വിൻഡോയിൽ ജർമ്മൻ താരം ടിമോ വെർണറിനെ സ്വന്തമാക്കാൻ രണ്ട് ഇംഗ്ലീഷ് പ്രീമിയർ ലീഗ് ക്ലബുകൾ ആണ് ശ്രമിക്കുന്നത്. മാഞ്ചസ്റ്റർ യുണൈറ്റഡും സ്പർസും താരത്തിനായി രംഗത്ത് ഉണ്ട്. ഇരു ടീമുകളും ലോണിൽ താരത്തെ ടീമിൽ എത്തിക്കാൻ ആണ് നോക്കുന്നത്. ഇപ്പോൾ സ്പർസ് ആണ് ചർച്ചകളിൽ മുന്നിൽ എന്നാണ് റിപ്പോർട്ട്. ലെപ്സിഗ് താരമായ വെർണർ അവിടെ അത്ര നല്ല ഫോമിൽ അല്ല.
മുമ്പ് ചെൽസിയുടെ ഒപ്പം പ്രീമിയർ ലീഗിൽ ടിമോ വെർണർ കളിച്ചിട്ടുണ്ട്. ചെൽസിയിൽ ഫോമിൽ എത്താൻ ആകാത്തതോടെ ഒരു സീസൺ മുമ്പ് താരം തിരികെ ലെപ്സിഗിലേക്ക് പോവുക ആയിരുന്നു. മാഞ്ചസ്റ്റർ യുണൈറ്റഡ് ഹൊയ്ലുണ്ട് ഫോമിൽ അല്ലാത്തതിനാൽ ഒരു സ്ട്രൈക്കറെ കൂടെ ടീമിൽ എത്തിക്കാൻ നോക്കുന്നുണ്ട്. സ്പർസിന് ആകട്ടെ പരിക്ക് ആണ് ഒരു അറ്റാക്കിങ് താരത്തെ കൂടെ അവർ സൈൻ ചെയ്യാൻ ശ്രമിക്കുന്നതിന് കാരണം.
