ആഴ്‌സണൽ ലെഫ്റ്റ് ബാക്ക് നുനോ ടവാരസ് ഇറ്റാലിയൻ സീരി എ ക്ലബ് ലാസിയോയിൽ ചേർന്നു. കഴിഞ്ഞ സീസണുകളിൽ ഫ്രഞ്ച് ക്ലബ് മാഴ്‌സയിലും ഇംഗ്ലീഷ് ക്ലബ് നോട്ടിങ്ഹാം ഫോറസ്റ്റിലും കളിച്ച ടവാരസ് നിലവിൽ വായ്പ അടിസ്ഥാനത്തിൽ ആണ് ആദ്യം ലാസിയോയിൽ ചേരുക. നിലവിൽ താരവും ആയി 2029 വരെയുള്ള 5 വർഷത്തെ കരാറിൽ ലാസിയോ വാക്കാൽ എത്തിയെന്നാണ് റിപ്പോർട്ട്.
പോർച്ചുഗീസ് താരത്തിനെ കൈമാറുന്നതിലൂടെ 9 മില്യൺ യൂറോയാണ് ലോണിന് ശേഷം ആഴ്‌സണലിന് ലഭിക്കുക. നിലവിൽ താരത്തെ ലോണിന് ശേഷം ഉറപ്പായിട്ടും മേടിക്കണം എന്ന വ്യവസ്ഥ കരാറിൽ ഉണ്ട്. ഇത് കൂടാതെ താരത്തെ ഭാവിയിൽ ലാസിയോ വിൽക്കുക ആണെങ്കിൽ അതിൽ ഒരു പങ്ക് ആഴ്‌സണലിന് ലഭിക്കും എന്നും വ്യവസ്ഥയിൽ ഉണ്ട്. ടവാരസ് ഉടൻ തന്നെ ലാസിയോയിൽ മെഡിക്കൽ പൂർത്തിയായ ശേഷം കരാർ ഒപ്പ് വെക്കും.
