ചെക് റിപ്പബ്ലിക് ക്ലബ് സ്ലാവിയ പ്രാഗയുടെ 21 കാരനായ യുവ ചെക് ഗോൾ കീപ്പർ അന്റോണിൻ കിൻസ്‌കെയെ ടീമിൽ എത്തിക്കാൻ ടോട്ടനം ഹോട്‌സ്പർ. ഏതാണ്ട് 10 മില്യൺ പൗണ്ട് നൽകിയാണ് യുവ ഗോൾ കീപ്പറെ ടോട്ടനം ടീമിൽ എത്തിക്കുക.
വലിയ ഭാവി പ്രവചിക്കുന്ന താരത്തിനു ആയി വലിയ തുക തന്നെയാണ് ഇംഗ്ലീഷ് ക്ലബ് മുടക്കുന്നത്. നിലവിൽ പരിക്കേറ്റ് തങ്ങളുടെ ഒന്നാം നമ്പർ ഗോൾ കീപ്പർ വികാരിയോ പുറത്ത് ആയത് കൂടി ടോട്ടനം തീരുമാനത്തിന് പിറകിൽ ഉണ്ട്. നിലവിൽ ഇന്ന് തന്നെ മെഡിക്കലിന് ശേഷം താരം ടോട്ടനത്തിൽ കരാർ ഒപ്പ് വെക്കും എന്നാണ് സൂചന.
