ഈ വരുന്ന ജനുവരി ട്രാൻസ്ഫർ വിൻഡോയിൽ മാഞ്ചസ്റ്റർ സിറ്റി ഒരു പുതിയ താരത്തെ ടീമിൽ എത്തിക്കും എന്ന് ഉറപ്പായി. സെർബിയൻ വിങ്ങറായ ഫിലിപ്പ് സ്റ്റെവാനോവിച് ആകും സിറ്റിയിലേക്ക് എത്തുന്നത്. ഇപ്പോൾ സെർബിയൻ ക്ലബായ പാർറ്റിസൻ ബെൽഗ്രേഡിന് വേണ്ടിയാണ് താരം കളിക്കുന്നത്. ഈ ക്ലബ് തന്നെയാണ് മാഞ്ചസ്റ്റർ സിറ്റിയിലേക്ക് താരം പോകും എന്ന് ഔദ്യോഗികമായി വ്യക്തമാക്കിയത്.
ജനുവരിയിലാകും താരം ഇംഗ്ലണ്ടിൽ എത്തുക. 2018ൽ ആയിരുന്നു താരം പാർറ്റിസന് വേണ്ടി അരങ്ങേറ്റം നടത്തിയത്. ഇതുവരെ അവർക്കായി 5ർ മത്സരം കളിച്ച താരം 12 ഗോളുകൾ നേടിയിട്ടുണ്ട്. 18കാരനായ താരം വരും സീസണിൽ ലോണിൽ പോകാൻ ആണ് സാധ്യത.
