സൗദി ഉടമകൾ ഏറ്റെടുത്ത ശേഷമുള്ള ആദ്യ വലിയ സൈനിംഗ് ന്യൂകാസിൽ പൂർത്തിയാക്കി. അത്ലറ്റിക്കോ മാഡ്രിഡിൽ നിന്ന് ഇംഗ്ലണ്ട് ഫുൾ ബാക്ക് കീറൻ ട്രിപ്പിയറിനെ ആണ് 16 മില്യൺ യൂറോ നൽകി ന്യൂകാസിൽ സ്വന്തമാക്കിയത്. 31-കാരൻ രണ്ടര വർഷത്തെ കരാറിൽ ഒപ്പുവെച്ചു.
Introducing the first signing of our new era… 🏴
⚫️⚪️ pic.twitter.com/ePn49XQia2
— Newcastle United FC (@NUFC) January 7, 2022
സ്പെയിനിൽ രണ്ടര വർഷത്തെ വിജയകരമായ സ്പെൽ ചെലവഴിച്ചാണ് ട്രിപ്പിയർ സെന്റ് ജെയിംസ് പാർക്കിലെത്തുന്നത്, കഴിഞ്ഞ സീസണിൽ അത്ലറ്റിക്കോ എതിരാളികളായ റയൽ മാഡ്രിഡിനെ പരാജയപ്പെടുത്തി ലാ ലിഗ കിരീടം നേരാൻ താരത്തിനായിരുന്നു. 2011-ൽ ബേൺലിയിൽ ഉണ്ടായിരുന്ന സമയത്ത് എഡ്ഡി ഹൗക്ക് കീഴിൽ ട്രിപ്പിയർ കളിച്ചിരുന്നു.
