ഈ സീസണിൽ താരങ്ങൾ എല്ലാം സൗദിയിലേക്ക് ആണ്. ലിവർപൂൾ വിട്ട റോബർട്ടോ ഫർമീനോ ആണ് ഇപ്പോൾ സൗദിയിലേക്ക് അടുക്കുന്നത്‌. സൗദി പ്രൊ ലീഗ് ക്ലബായ അൽ അഹ്ലി താരത്തെ സ്വന്തമാക്കും എന്നാണ് അഭ്യൂഹങ്ങൾ. ഫർമീനോയും അൽ അഹ്ലിയും തമ്മിലുള്ള ചർച്ചകൾ അന്തിമ ഘട്ടത്തിലാണ്. ഫർമിനോക്ക് ആയി യൂറോപ്പിൽ പല പ്രധാന ക്ലബുകളും രംഗത്ത് ഉണ്ടെങ്കിലും അൽ അഹ്ലിയുടെ ഓഫർ ഏറെ വലുതാണ്. താരം ഫ്രീ ഏജന്റാണ് ഇപ്പോൾ.
അൽ അഹ്ലി ഫർമീനോ യെസ് പറയുക ആണെങ്കിൽ ഈ ആഴ്ച തന്നെ ട്രാൻസ്ഫർ പൂർത്തിയാക്കും എന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു. ഇപ്പോഴും യൂറോപ്പിൽ തുടരാൻ ആണ് താരം ആഗ്രഹിക്കുന്നത്‌. പക്ഷെ വലിയ ഓഫർ താരത്തെ മനസ്സു മാറ്റിയേക്കും.
കഴിഞ്ഞ 8 വർഷമായി ലിവർപൂൾ ടീമിന്റെ വിജയത്തിന്റെ അവിഭാജ്യ ഘടകമാണ് ബ്രസീലിയൻ സ്‌ട്രൈക്കർ. പ്രീമിയർ ലീഗ്, ചാമ്പ്യൻസ് ലീഗ്, ക്ലബ് വേൾഡ് കപ്പ് തുടങ്ങി ലിവർപൂളിനൊപ്പം ആകെ 7 ട്രോഫികൾ ഫിർമിനോ നേടിയിട്ടുണ്ട്.
