പി എസ് ജി യുടെ ഫ്രഞ്ച് മിഡ്ഫീൽഡർ അഡ്രിയാൻ റാബിയോ ഈ സീസൺ അവസാനത്തോടെ ക്ലബ്ബ് വിടുമെന്ന് പി എസ് ജി സ്ഥിതീകരിച്ചു. ക്ലബ്ബിന്റെ സ്പോർട്ടിങ് ഡയറക്ട്ടർ ആന്ററോ ഹെന്രിക്കെയാണ് ഇക്കാര്യം ഉറപ്പിച്ചത്. ഈ സീസൺ അവസാനത്തോടെ കരാർ അവസാനിക്കുന്ന താരത്തിന് ഇതോടെ ഫ്രീ ട്രാൻസ്ഫർ അടിസ്ഥാനത്തിൽ ക്ലബ്ബ് വിടാനാകും.
ബാഴ്സലോണ, യുവന്റസ്, ടോട്ടൻഹാം ടീമുകൾ താരത്തിനായി സജീവമായി രംഗത്തുണ്ട്. ഇതോടെ ഒരു പക്ഷെ ജനുവരിയിൽ തന്നെ താരത്തിനായി ഈ ക്ലബ്ബ്കൾ ട്രാൻഫർ പോരാട്ടം നടത്തിയേക്കും. പി എസ് ജി താരത്തിനായി നിരവധി കരാർ വാഗ്ദാനങ്ങൾ നൽകിയെങ്കിലും ഒപ്പിടാൻ താരം തയ്യാറായിരുന്നില്ല.
