നിലവിൽ സൗദി ഫസ്റ്റ് ഡിവിഷൻ ലീഡേഴ്സ് ആയ സൗദി അറേബ്യൻ ക്ലബ്ബായ നിയോം എസ്‌സി, ഒളിമ്പിക് ലിയോണൈസിൽ നിന്നുള്ള അൾജീരിയൻ വിംഗർ സെയ്ദ് ബെൻറഹ്മയെ സ്വന്തമാക്കാൻ ഒരുങ്ങുന്നതായി റിപ്പോർട്ട്. ബോണസുകൾ ഉൾപ്പെടെ 15 മില്യൺ യൂറോ വിലമതിക്കുന്ന കരാർ അന്തിമ ഘട്ടത്തിലാണ്. വ്യക്തിഗത നിബന്ധനകൾ ഇതിനകം തന്നെ അംഗീകരിച്ചിട്ടുണ്ട് എന്ന് ഫബ്രിസിയോ റൊമാനോ പറയുന്നു.
2027 ജൂൺ വരെയുള്ള ഒരു കരാറിൽ ബെൻറഹ്മ ഒപ്പുവെക്കുമെന്ന് പ്രതീക്ഷിക്കുന്നു.
വെസ്റ്റ് ഹാമിൽ നിന്നുള്ള ലോൺ സ്പെല്ലിന് ശേഷം 2024 ലെ വേനൽക്കാലത്ത് 14.4 മില്യൺ യൂറോയ്ക്ക് ലിയോണിൽ സ്ഥിരമായി ചേർന്ന ബെൻറഹ്മ, ഈ സീസണിൽ ടീമിൽ ഒരു സ്റ്റാർട്ടിംഗ് റോൾ നേടാൻ പാടുപെടുകയാണ്.
