ജെയിംസ് മിൽനർ ബ്രൈറ്റൺ താരമായി മാറി. ഇന്നലെ ഇതു സംബന്ധിച്ച് ലിവർപൂളും ബ്രൈറ്റണും ഔദ്യോഗിക പ്രഖ്യാപനങ്ങൾ നടത്തി. 2024വരെയുള്ള കരാർ മിൽനർ സീഗൾസിൽ ഒപ്പുവെച്ചു. ലിവർപൂളിനൊപ്പം എട്ട് വർഷം ചിലവഴിച്ചതിനു ശേഷമാണ് 37-കാരൻ ബ്രൈറ്റണിൽ എത്തുന്നത്. പ്രീമിയർ ലീഗ്, ചാമ്പ്യൻസ് ലീഗ്, എഫ്എ കപ്പ്, യൂറോപ്യൻ സൂപ്പർ കപ്പ്, ക്ലബ് ലോകകപ്പ് എന്നിവ ലിവർപൂളിനൊപ്പം അദ്ദേഹം നേടി.
“ജെയിംസിനെ ബ്രൈറ്റണിലേക്ക് സ്വാഗതം ചെയ്യുന്നതിൽ എനിക്ക് അതിയായ സന്തോഷമുണ്ട്. അവൻ ഞങ്ങൾക്ക് ഒരു മികച്ച അഡീഷൻ ആകും, ഞങ്ങളെ കൂടുതൽ ഉയർന്ന തലത്തിലേക്ക് കൊണ്ടുവരാൻ അദ്ദേഹം സഹായിക്കുമെന്ന് എനിക്ക് ഉറപ്പുണ്ട്.” ഹെഡ് കോച്ച് റോബർട്ടോ ഡി സെർബി പറഞ്ഞു,
2015-ൽ ക്ലബ്ബിൽ ചേർന്നതു മുതൽ റെഡ്സിന്റെ ഒരു പ്രധാന കളിക്കാരനാണ് മിൽനർ. അദ്ദേഹം ലിവർപൂളിനായി പല പൊസിഷനിലും കളിച്ചിട്ടുണ്ട്. ബ്രൈറ്റൺ യുവ ബ്രസീലിയൻ താരം ജാവോ പെഡ്രോയുടെ സൈനിംഗും പൂർത്തിയാക്കിയിട്ടുണ്ട്.
