യുവന്റസിന്റെ അമേരിക്കൻ താരം വെസ്റ്റൻ മക്കെന്നിയെ ലീഡ്സ് സ്വന്തമാക്കി. ആറ് മാസത്തെ ലോണിൽ ആകും മക്കെന്നി പ്രീമിയർ ലീഗിലേക്ക് എത്തുന്നത്. 1.2 മില്യൺ ആകും ലോൺ തുക. ഈ സീസൺ അവസാനം 33 മില്യൺ നൽകിയാൽ മക്കെന്നിയെ ലീഡ്സിന് സ്ഥിരമായി സ്വന്തമാക്കുകയും ചെയ്യാം. താരം നാളെ ഇംഗ്ലണ്ടിൽ എത്തി മെഡിക്കൽ പൂർത്തിയാക്കും.
ലീഗിൽ റിലെഗെഷൻ സോണിന് തൊട്ടു മുകളിൽ നിൽക്കുന്ന ലീഡ്സ് മധ്യനിരക്ക് കരുത്തേകുന്നതിന് വേണ്ടിയാണ് താരത്തെ എത്തിക്കുന്നത്‌. മക്കെന്നി യുവന്റസ് അവരുടെ ടീമിൽ നിന്ന് ഒഴിവാക്കാൻ ഉദ്ദേശിക്കുന്ന താരങ്ങളിൽ ഒരാളാണ്. ഷാൽക്കെയിൽ നിന്ന് എത്തിയ ശേഷം പ്രതീക്ഷിച്ച പ്രകടനം പുറത്തെടുക്കാൻ താരത്തിന് സാധിച്ചിരുന്നില്ല. അമേരിക്കകാരൻ തന്നെയായ കോച്ച് ജെസ്സെ മാർഷിന്റെ ലീഡ്സിലെ സാന്നിധ്യം മക്കെന്നിയുടെ തീരുമാനത്തെ സ്വാധീനിച്ചു.
