വോൾവ്സ് ക്യാപ്റ്റൻ മാക്സ് കിൽമാനെ സ്വന്തമാക്കാൻ ആയി വെസ്റ്റ് ഹാം യുണൈറ്റഡ് രംഗത്ത്. താരത്തിനായി വെസ്റ്റ് ഹാം £25 മില്യന്റെ ബിഡ് സമർപ്പിച്ചതായി ഫബ്രിസിയോ റൊമാനീ റിപ്പോർട്ട് ചെയ്യുന്നു. എന്നാൽ വോൾവ്സ് താരത്തെ വിൽക്കാൻ ഇപ്പോൾ താല്പര്യപ്പെടുന്നില്ല. കിൽമാനായുള്ള ബിഡ് നിരസിക്കപ്പെടുമെന്നാണ് കരുതപ്പെടുന്നത്.
ഇപ്പോഴത്തെ വെസ്റ്റ് ഹാം പരിശീലകൻ ലൊപെറ്റിഗി മുമ്പ് വോൾവ്‌സിൻ്റെ ചുമതലയുണ്ടായിരുന്നപ്പോ കിൽമാൻ അദ്ദേഹത്തിന്റെ കീഴിൽ കളിച്ചിട്ടുണ്ട്. കഴിഞ്ഞ വേനൽക്കാലത്ത് കിൽമാൻ അഞ്ച് വർഷത്തെ കരാറിൽ ഒപ്പുവെച്ച കിൽമാനെ വിൽക്കണം എങ്കിൽ ചുരുങ്ങിയ 40 മില്യൺ എങ്കിലും ആണ് വോൾവ്സ് ചോദിക്കുന്നത്. ഈ പണം വെസ്റ്റ് ഹാം നൽകുമോ എന്നത് അനുസരിച്ചായിരിക്കും ഇനിയുള്ള ചർച്ചകൾ. 2018-ൽ മൈഡൻഹെഡിൽ നിന്ന് 40,000 പൗണ്ട് തുകയ്‌ക്ക് ആയിരുന്നു വോൾവ്സ് കിൽമാനെ വാങ്ങിയത്.
