അയർലൻഡ് ഇന്റർനാഷണൽ മാറ്റ് ഡോഹെർട്ടിയും സൗദി പ്രോ ലീഗിലേക്ക്. യൂറോപ്പിൽ നിന്ന് ഏഷ്യയിലേക്ക് ചേക്കേറുന്ന ഫുട്ബോൾ കളിക്കാരുടെ നീണ്ട പട്ടികയിലേക്ക് ഡൊഹേർട്ടി കൂടെ ചേരുകയാണ്. അൽ ഇത്തിഹാദ് ആണ് താരത്തിനായി രംഗത്ത് ഉള്ളത്.
കഴിഞ്ഞ ജനുവരിയിൽ അത്‌ലെറ്റിക്കോ മാഡ്രിഡിൽ ചേർന്ന ഡോഹെർട്ടിക്ക് അവിടെ നല്ല കാലമായിരുന്നില്ല. സ്പർസ് വിട്ട് അത്ലറ്റികോയിൽ എത്തിയ താരം ആറു മാസത്തിൽ ആകെ രണ്ട് മത്സരമാണ് അത്ലറ്റിക്കോ മാഡ്രിഡിനായി കളിച്ചത്‌. ഇപ്പോൾ താരം ഫ്രീ ഏജന്റാണ്.
കഴിഞ്ഞ ജനുവരിയിൽ ക്രിസ്റ്റ്യാനോ റൊണാൾഡോ അൽ-നാസറിലേക്ക് മാറിയത് മുതൽ സൗദി അറേബ്യൻ ഫുട്ബോളിന്റെ തലവര മാറുകയായിരുന്നു. മുൻ റയൽ മാഡ്രിഡ് സ്‌ട്രൈക്കർ കരിം ബെൻസെമയും സൗദിയിൽ. എത്തിയിട്ടുണ്ട്. കാന്റെ, കൂലിബലി, സിയെച്, മെൻഡി, റൂബൻ നെവസ് എന്നിവരെല്ലാം സൗദിയിൽ കരാർ ഒപ്പുവെക്കുന്നതിന് വളരെയടുത്താണ്.
