മുൻ യുവന്റസ് താരം ക്ലാഡിയോ മാർകിസിയോ ഇനി റഷ്യൻ ക്ലബ്ബായ സെനിത്തിൽ കളിക്കും. ഫ്രീ ട്രാൻസ്ഫർ അടിസ്ഥാനത്തിലാണ് മധ്യനിര താരമായ മാർകിസിയോ റഷ്യയിൽ എത്തുന്നത്.
യുവന്റസുമായി 25 വർഷത്തെ ബന്ധത്തിന് ശേഷം താരം കഴിഞ്ഞ സീസണിന്റെ അവസാനത്തിൽ കരാർ റദ്ദാക്കിയിരുന്നു. എംരെ ചാൻ എത്തിയതോടെ യുവന്റസിൽ താരത്തിന്റെ സ്ഥാനം നഷ്ടമായിരുന്നു. കഴിഞ്ഞ സീസണിൽ കേവലം 15 മത്സരങ്ങളിൽ മാത്രമാണ് താരം യുവന്റസ് ജേഴ്സി അണിഞ്ഞത്.
32 വയസുകാരനായ താരം സെനിതുമായി 2 വർഷത്തെ കരാറാണ് ഒപ്പിട്ടിരിക്കുന്നത്.
