ബ്രസീലിയൻ താരം ലൂക്കാസ് പാക്വെറ്റയ്ക്കായി മാഞ്ചസ്റ്റർ സിറ്റി വെസ്റ്റ് ഹാമിനു മുന്നിൽ 70 മില്യൺ പൗണ്ട് ബിഡ് സമർപ്പിച്ചതായി ബ്രസീലിയൻ മാധ്യമങ്ങൾ റിപ്പോർട്ട് ചെയ്യുന്നു. GloboEsporte പ്രകാരം, സിറ്റി ഇപ്പോൾ ബ്രസീലിയൻ മിഡ്ഫീൽഡർക്കായി 70 മില്യൺ പൗണ്ട് ബിഡ് ചെയ്തിട്ടുണ്ട്. എന്നാൽ ഈ തുകയ്ക്ക് പക്വേറ്റയെ വെസ്റ്റ് ഹാം വിട്ടു നൽകാൻ സാധ്യതയില്ല.
ഗുണ്ടോഗനെയും റിയാദ് മഹ്റസിനെയും നഷ്ടമായ സിറ്റി ഇപ്പോഴും കൂടുതൽ അറ്റാക്കിംഗ് താരങ്ങളെ ടീമിൽ എത്തിക്കാൻ നോക്കുകയാണ്.ഒരു വർഷം മുമ്പ് ലിയോണിൽ നിന്ന് ആണ് പക്വേറ്റ വെസ്റ്റ് ഹാമിൽ എത്തിയത്. 51 മില്യൺ പൗണ്ട് നൽകിയായിരുന്നു വെസ്റ്റ് ഹാം ഈ സൈനിംഗ് പൂർത്തിയാക്കിയത്.
വെസ്റ്റ് ഹാമിനായി കഴിഞ്ഞ സീസണിൽ 41 മത്സരങ്ങളിൽ നിന്ന് അഞ്ച് ഗോളുകളും ഏഴ് അസിസ്റ്റുകളും പക്വെറ്റ നേടിയിരുന്നു. വെസ്റ്റ് ഹാമിന്ര് യൂറോപ്പ കോൺഫറൻസ് ലീഗ് നേടാനും അദ്ദേഹം സഹായിച്ചു
