ഓസ്ട്രിയൻ താരം മാക്സിമിലിയൻ വോബെർ ലീഡ്സിലേക്ക് എത്തും. സാൽസ്ബർഗ് താരത്തെ എത്തിക്കാൻ ക്ലബ്ബുകൾ തമ്മിൽ ധാരണയിൽ എത്തിയതായി ഫാബ്രിസിയോ റോമാനോ റിപ്പോർട്ട് ചെയ്യുന്നു. വോബറുമായും ലീഡ്സ് കരാറിൽ എത്തിയിട്ടുണ്ട്. ഔദ്യോഗിക പ്രഖ്യാപനം ഉടനെ ഉണ്ടാവും. കൈമാറ്റ തുക പന്ത്രണ്ട് മില്യൺ യൂറോയോളമാണെന്നാണ് സൂചന.
നേരത്തെ സെവിയ്യ, അയാക്‌സ് എന്നീ ടീമുകൾക്കായി ബൂട്ട് കെട്ടിയ താരമാണ് വോബെർ. സെവിയ്യയിൽ നിന്നും റെക്കോർഡ് തുകക്കാണ് അന്ന് സാൽസ്ബർഗ് താരത്തെ എത്തിച്ചത്. ടീമിനോടൊപ്പം തുടർച്ചയായി ലീഗ് കിരീടം നേടി. ലീഡ്സ് കോച്ച് ജെസ്സെ മാർഷിന്റെ സാന്നിധ്യവും കൈമാറ്റത്തിൽ നിർണായകമായി. റെഡ് ബുൾ ടീമുകളെ പരിശീലിപ്പിച്ചിട്ടുള്ള അദ്ദേഹം തന്റെ കൂടെ ഉണ്ടായിരുന്ന ടെയ്‌ലർ ആദംസ്, ക്രിസ്റ്റൻസൻ, ആരോൻസൻ എന്നിവരെയും ലീഡ്സിലേക്ക് എത്തിച്ചിരുന്നു. സെന്റർ ബാക്ക് സ്ഥാനത്ത് കളിക്കുന്ന താരത്തിന് ലെഫ്റ്റ് ബാക്ക് സ്ഥാനത്തും തിളങ്ങാൻ വോബെറിനാവും.
