ഹാമസ് റോഡ്രിഗസ് യൂറോപ്യൻ ഫുട്ബോളിലേക്ക് തിരികെ വരും. കോപ അമേരിക്കയൽ ഗംഭീര പ്രകടനം കാഴ്ചവെച്ച കൊളംബിയൻ താരം ബ്രസീൽ ക്ലബായ സാവോ പോളോയുമായുള്ള കരാർ റദ്ദാക്കിയിരിക്കുകയാണ്. ഫ്രീ ഏജന്റായ താരം യൂറോപ്പിലേക്ക് തിരികെ വരാൻ ശ്രമിക്കുകയാണെന്ന് ഫബ്രിസിയോ റൊമാനോ റിപ്പോർട്ട് ചെയ്യുന്നു.
ഈ കഴിഞ്ഞ കോപ അമേരിക്ക ടൂർണമെന്റിൽ 6 അസിസ്റ്റും ഒരു ഗോളും ഹാമസ് സംഭാവന ചെയ്തിരുന്നു. സാവോ പോലോയിൽ പോകും മുമ്പ് ഗ്രീസിലും ഖത്തറിലും ആയിരുന്നു ഹാമസ് കളിച്ചിരുന്നത്. റയൽ മാഡ്രിഡ്, എവർട്ടൺ, ബയേൺ എന്നിവിടങ്ങളിൽ എല്ലാം കളിച്ച താരം ഫോമും ഫിറ്റ്നസും ഇപ്പോൾ വീണ്ടെടുത്തിട്ടുണ്ട്‌.
